Información práctica
Museo da Ciencia do Viño
Museo da Ciencia do Viño do Condado do Tea, en Salvaterra de Miño, un dos maiores espazos de divulgación da viticultura e a enoloxía de España.
Atópase no interior do Castelo de Doña Urraca e a Casa do Conde, dentro do conxunto histórico da Fortaleza, declarado Ben de Interese Cultural en 1949. A súa proposta é altamente interactiva e didáctica, con paneis táctiles, vídeos e xogos educativos, e repasa a historia da viticultura no Condado do Tea —subzona da D.O. Rías Baixas e referente do viño Albariño— e en Galicia. Dependente do concello, ofrece visitas guiadas con inscrición previa nun marco expositivo incomparable.
place
España